離開芭提雅~向沙美島出發
經過左幾日既水戰活動,我地都已經好攰啦,到左第6日既遊程,我地會去寧靜美麗既沙美島2日,享受一下平靜既海風,緩慢一點既生活節奏,優閒既旅遊感覺,好讓我地一團嘩鬼跟耆英們可以回一回氣😀
今次都系我第一次到沙美島,可以算系大鄉里一名,終於可以用一個大鄉里既身份盲摸摸去一個地方,唔好成日比朋友話我周圍都熟哂路當然可以衣食住行都平靚正=。=就即管睇下我會唔會比人搵笨先🤪
因為從未黎過沙美島,所以在揀酒店方面都有DD壓力,要有FEEL又要夠經濟,我睇左好多介紹都唔系咁啱心水,最終比我搵左一間無乜香港人去過既酒店:Avatara Resort❤
點解我會揀呢間酒店?除左貪渠少香港人和大陸人之外,就系比渠地既私人沙灘吸引,房間既設計又靚又啱的感覺,好...一於試下渠啦😀好彩....呢間酒店絕對無令我地失望,可以話真系【平,靚,正】,我地由酒店安排左外判快艇公司直接包船到酒店的私人沙灘,酒店安排好幾個勤力既員工幫我地從快艇上搬行李,服務無得彈,房間又靚又乾淨,包埋每日在私人沙灘上享用早餐,環境靚又舒服,絕對系渡假休息的好地方❤唯一缺點就系員工英語不佳,只有一至兩個英語好少少的....當然因為大部分住客都系泰國的本地人,但畢竟酒店都有唔少的外國人吧....呢個系我覺得酒店最需要改善的地方。但總括黎講都系個唔錯既選擇,我比8分👍
Avatara Resort酒店預訂:
https://www.agoda.com/zh-hk/avatara-resort/hotel/koh-samet-th.html