芭提雅....我們來也
今日我地就離開曼谷，向芭提雅進發😀
由於2位新力軍團友未去過芭提雅，而且我地將會去圭沙美島，所以就加入2天的芭提雅行程，作為去沙美島的中轉站。
另外我地之前喺相約在曼谷RED SKY天台酒吧相聚果2位老友，亦喺呢一日轉攻芭提雅，仲為我地安排左佢間酒店既泡泡PARTY，好讓我地聚會之餘仲有得玩返一餐.....
我地留喺芭提雅雖然只係短短2日既行程，但都一定夠哂好玩滿足❤
8:30am，我地離開曼谷前的早餐，都係在SOI 8 街頭的車仔街邊檔，呢一檔係每年潑水節期間先會開的，我地年年都係食佢架^^
呢檔就係長開的咖啡檔
我地最愛的叉燒魚旦MAMA配路邊咖啡
食飽飽我地就出發啦，當然都係BOOK左VAN...向芭提雅進發。可惜呢個司機態度麻麻地，架車又唔係太靚，是但啦....最多永不再錄用啦。
向芭提雅出發
到達芭提雅，Holiday Resort Pattaya
今次我地都係住返呢間Holiday Resort Pattaya....
講真，呢間酒店地點就唔係太過方便，但對於我地黎講就無乜特別影響，因為我地都係會租電單車，所以就算酒店唔係喺大街都無乜問題.....
其實話就話地點唔係太方便啫，但都唔係好偏僻果種，只係由大街要轉入小路再行一陣先到，又唔算係太過遠，亦可以話係旺中帶靜，轉彎亦有唔少酒吧同商店，價錢都好相宜，轉多個彎行多幾步就平D，精打細算的我就梗係會咁揀啦......😀
房間裝修較為普通，但勝在夠大，有個大泳池，其餘既就無乜設施啦，對於我地呢D出去玩多過留係酒店既旅客黎講，又無乜影響....而且呢間酒店CHECK-IN時係唔洗比按金添架❤
Holiday Resort Pattaya酒店預定：
Holiday Resort Pattaya房間實景拍攝
芭提雅的馳名豬雜飯
安頓好哂D行李之後，我地就行左出去大街食我最愛既豬雜飯啦❤呢一間野係我每次黎親芭提雅都必定會食既....原因好簡單...太好食囉😀
其實佢宜家出左名已經無以前咁好架啦，成日都要等位，D店員做到死死下，雖然係咁，我都一定要黎食佢，呢個係我既推介美食之一。
有好多人唔係內臟，但都唔洗怕，佢唔係一定要你食豬雜既...可以ORDER淨豬肉，或你鍾意食邊個部位就自由ORDER，又唔係只得飯架，仲有米粉、米線、MAMA、金邊粉和粉絲等可供選擇.....
馳名豬雜飯地標：
餐牌上可自由配合合心水的配料
每碗下單都係即叫即煮的
大家睇下團友滿足既樣子
基本上長時間都係坐無虛席，客似雲來的
午餐後，我們就出發去 WAT PHRA YAI 拜神
WAT PHRA YAI呢一個廟亦係我地每次黎到芭提雅的必到地方，廟係位於山上，一般我地都係包架篤篤上去，呢度有和尚幫信眾祈福，我地一家都習慣左喺泰國既新年黎到呢度，搵和尚幫我地祈福，為求新一年合家平安，事事順利。
包架篤篤一般都係500-700 Batt 來回，包大約一小時等候我地拜完神再車返我地回酒店，我地一行咁多人...呢個價錢都幾化算❤
WAT PHRA YAI地標：
https://goo.gl/maps/h6dCFj3kgRG2
WAT PHRA YAI的介紹：
上山拜神途中的濕身記
頭先講到我地包左架篤篤上山拜神，我地興致勃勃咁上車...點知...忘記左14/4仲係潑水節.....開車唔夠2分鐘....我地就......
剛剛上車時的得戚樣......
開車唔夠2分鐘....即刻變哂落湯雞=.=
團友話：想拜個神啫，唔洗咁下話？！
我地大家都深深感受到咩叫報應，琴日我地係VIVA門口點對人，宜家人地就點對返我=.=比人屈樹的感覺原來是這樣的.....
去拜神途中的濕身記
終於安全到達了WAT PHRA YAI
和尚為各信眾祈福
團友們2公婆....濕身合照
和尚祈福
與老友再聚，共進晚餐
經過左一日，我地再約另外2位老友聚餐，雖然我地已經同耆英們食左晚飯，但可能因為消耗左太多體力，個肚仍然有空位，一於食完再食.....😀
今次老友揀左好多旅客都鍾意去既紅姐餐廳 Je Daeng Restaurant，大家唔好亂咁係GOOGLE MAP度搜尋佢既地址，因為老友就係咁搜尋左比個地標我地，點知原來係錯既，我地最終行左好多冤枉路先到達.....係呢度比返個正確既地標比大家啦！
紅姐海鮮地標：
https://goo.gl/maps/jXvye8aUhaE2
紅姐餐廳介紹：
出發去同老友聚餐LU
老友話佢地比人蝦，搞到成身濕哂，但自己又無武器喺身....好....我地帶齊武器過黎幫你復仇^^
晚餐聚會過後，我地各自返酒店休息....結束了我地第4日的旅程。
Try SimpleSite
