戲肉到了....布吉島出發.....GO GO GO
萬眾期待的行程，真正的同陽光玩遊戲
黎到第9日，亦係團友們最期待的一個點...【布吉島】
我地由曼谷DON MUEANG機場出發，原本係訂左11:45am既航班，點知唔知AIR ASIA搞乜鬼，早前通知我地班機改左時間去3:55pm我頂....即係要成5點幾先到，比佢咁樣搞一搞，我地D行程亂哂，本身如果下午一點幾到，我CHECK-IN完就會包車帶班耆英去買海鮮架嘛=.=宜家唔洗啦...去到都食晚飯啦😠
算啦....唔食海鮮囉，都無損我地既興奮心情，只要一諗起美極既PP島同埋潛水，就已經夠哂開心啦❤
今次我地都係住返芭東既羊咩咩酒店，SLEEP WITH ME DESIGN HOTAL PATONG，貪佢夠哂方便，旁邊就係Jungcelon購物中心,SHOPPING食野都無問題，尤其係我地年輕人出左去潛水果日，班耆英都可以係呢個大商場行成日，唔洗我擔心，酒店設計又夠CUTE，設施都幾足夠，係我既心水推介👍
SLEEP WITH ME DESIGN HOTAL PATONG房間預定：
說好左TARA GRAND HOTAL肯幫我地KEEP住D行李，等我地係布吉玩完幾日返黎....件事就係咁啦...好彩酒店幫我地KEEP啫，如果唔係就大件事啦=.=
十幾年都無再黎話DON MUEANG機場了
大家睇下我老公同D行李幾襯色...HAHAHAHA
曼谷內陸機去布吉
到達布吉啦^^
到左羊咩咩酒店啦...一如以往，CHECK-IN時酒店會每人比杯WELCOME DRINK我地，好細心架....
SLEEP WITH ME DESIGN HOTAL PATONG的房間實況
非常精緻又夠體貼的酒店日用品
老公突然肚痛...大獲=.=
可惜一落樓，老公突然腸胃炎，個肚抽筋勁痛，好彩有老友介紹我地在當地買到呢幾隻藥急救=.=
芭東的第一夜晚餐
7個人食飽飽埋單2540匹，在旅遊區都算叫好抵架啦...^^
沿途行返酒店，團友話要玩魚仔咬腳趾WOR.....咦....好核突呀！
#特別要提點一下各旅客，呢間按摩店就正正在羊咩咩酒店的旁邊，我從來都唔幫襯呢間既，因為佢地非常唔老實的。但團友在我未黎得切同佢講時已經坐低左，就中伏了，無辦法=.=二百幾匹玩下無所謂，走果陣仲要比佢DUP小費...頂你咩...D小費係都比D魚仔啦，關佢個人Q事咩=.=
因為老公唔舒服，所以原本我地想去按摩都無去，同佢早D返酒店休息下....因為...明天我地包左快艇出PP島呀^^一定要比老公食完藥休息夠先得架.....
Try SimpleSite
