瘋狂的潑水節正式開始
終於來到這一天了😋每年嘅4月13日潑水節，我地都一定會嚟泰國，除左為了可以瘋狂潑水大玩一番之外，主要原因就係入鄉隨俗，希望藉住潑水作為祝福，將每年嘅不如意全都潑走；已經有好多年如常過嚟啦。。。慢慢已經變成我們一家的習慣！
雖然今年因為泰王駕崩，玩既氣氛比起往年的確差左好多，但都無損我地既心情，一於照常及時行樂，享受我地既旅程。
今年多左2位新力軍團友加入，所以玩得特別過癮，特別好玩呀！❤
開戰之前，我地最緊要醫飽左個肚先，食飽飽先有力作戰架嘛^^
今日起身我地黎左TERMINAL 21既FOOD COURT，因為夠多野食，一於開大餐食夠本先出去玩啦......
terminal 21的早餐
食飽飽我地行一陣商場消化下之後，我地就準備好裝備，出發上戰場啦！
玩呢D粉粉係最惡毒的^o^
第一站我地決定帶從未玩過潑水節既團友去熱門地點CENTRAL WORLD呢邊，等佢地感受一下氣氛先。
CENTRAL WORLD潑水節現場
當團友們玩到咁上下，熱身夠了，我地準備帶佢地去第2戰場了。
水戰的中場休息~Viva Tapas Bar and Restaurant Soi 8
玩左一輪，大家都又攰又肚餓，我地就行返酒店附近，搵個地方HEA下休息下先😀
我地揀左呢間餐廳坐低，原因係貪佢門口有得玩水，餐廳喺門口設左幾個大水桶比客人玩潑水，想玩水就走出門口，想休息又可以返入餐廳HEA下食下野，D野又好食，最重要就係行返酒店都只係5分鐘，玩完就隨時可以返酒店沖涼...哈哈....簡直係完美呀！😋
大家唔好以為係餐廳玩會無咁激，其實岩岩相反，佢正正喺SOI 8街內，一條窄街人來人往，車來車去，可以話係必經之路，加上商鋪多，戶戶都出去自己門口潑水.....無錯...係潑水，真正既潑水，再唔係水槍射水咁簡單，真係一盤盤水咁潑既....所以可以話係真正既戰場❤
Viva Tapas Bar and Restaurant:
Viva Tapas Bar and Restaurant Soi 8地標：
Viva Tapas Bar and Restaurant Soi 8
呢個一口迷你漢堡包簡直係我既特別推介
Soi 8潑水360實況
邊玩邊抖....爽YY
終於玩到天黑，我地同團友再返去TERMINAL 21行陣街SHOPPING一陣就係度食埋晚餐
黎到地庫超市對出，團友見到有間一風堂拉麵...話價錢平過香港好多喎...就試下啦！
點知.....原來好難食架=.=我強烈奉勸各位千祈唔好試！
晚飯過後，我地就帶團友們去體驗一下曼谷既夜生活啦^^
夜蒲過後我地就乖乖咁返酒店覺覺豬，準備明天的行程啦。
Try SimpleSite
